Дали паметите, колку време помина од вашиот последен очен преглед?
Сигурно знаете дека правилната грижа за вашите очи, е подеднакво важна како и правилната грижа за целото ваше тело и сигурно ненадминливо ви е чуството на удобност во пределот на очите, што е резултат на одморени и заштитени очи.
Во статијава, ќе објасниме што е најважно да знаете за грижа на очите и како да знаете дали и кога вашите очи се изложени на ризик?
А ризикот, најчесто е присутен кај:
- луѓе со наследни очни болести, како глауком;
- луѓе кои имаат суви очи;
- луѓе со дијабетес, висок крвен притисок;
- луѓе кои носат контактни леќи кои го зголемуваат ризикот од инфекции;
Во зависност од тежината на ризикот, стручно медицинско лице ќе ја одреди специфичната подкатегорија за секој пациент.
Нашето тело често пати ни испраќа сигнали, кога очите се засегнати или заморени. Некои од нив се:
Заматен вид
Ако ја губите јасноста во видот и гледате магливо или заматено, можеби ќе треба да посетите оптичар, или да ја промените диоптријата доколку веќе имате оптички очила.
Главоболка
Честите главоболки може да бидат симптом на проблеми на ниво на визуелниот систем, најчест е заморот на очите што се јавува кога сме изложени многу последователни часови на сината светлина.
Чувствителност на светлина
Чувствителноста на светлина, исто така наречена фотофобија сама по себе е нормална појава. Кога станува претерана мора да се преземат мерки на претпазливост. Фотофобните лица доживуваат иритација и болка, а чувствителноста на светлина е симптом на инфекции и болести, како што е конјунктивитисот или траума на очите.
Тешкотии при возење ноќе
Можете да забележите по начинот на кој вашите очи читаат патокази и испрекинати линии на коловозот. Ако ги видите заматени, ако не ги разликувате тоа може да резултира со губење на видот или кратковидост.




Recent Comments